"Көңүлүм сүйгөн врач кыз". Элмирбек Иманалиевдин "Ыр перия" кечесинде жубайына арнап аткарган чыгармасы (видео, сүрөт)

Көп өнөрдүн ээси, эл ырчысы Элмирбек Иманалиевдин ар бир чыгармасын муюп уккан, жөн эле укпастан жашап да, жашып да укпаган жан болбосо керек. Кыргызда гана эмес боордош казак элинде өз орду бар акынды, мурдагы президент Нурсултан Назарбаев кайсы бир мааракеде орустардын Иосиф Кобзону менен гана чакырып алып укканын замандаштары айтып жүргөнү бар.

Акындын эл алдына чыгып чер жаза ырдап, өз өнөрүн тартуулаган акыркы кечелеринин бири бул 2018-жылдын 23-февралында өткөн "Ыр перия" аталышындагы поэзия кечеси болгон.

Филармониянын кичи залында орун алган бул кечеге күбө болгусу келгендердин саны көп болгондуктан, залга батпай, кече бүткүчө тикесинен тик туруп көргөн адамдардын саны өтө арбын эле. Бул ыр кечеге кыргыздын "Ыр акеси" аталган Рамис Рыскулов баш болгон кыргыз маданиятынын дөө-шаалары келишкен. Келген коноктордон эле Элмирбек Иманалиевдин атак-даңкын, кадыр-баркын көрүүчүлөр байкаса керек.

Бул кечеде ак баракка тизилген ырларын бирде өзү окуп, бирде шакирттерине окутуп элдин черин жазышкан. Дал ушул кечеде көпчүлүк Элмирбек Иманалиев төкмөлүк, обончулук дүйнөсүндө гана эмес поэзия дүйнөсүндө да өзүн сууда жүргөн балыктай сезерин баамдашкан.

Бирок көнүп калган эл кайрадан эле эл уулун комуз толгоп, элге сиңип калган ырларын аткарып берүүнү суранып туруп алышкан. Анда ырчы дароо эле "Булбулун" сайрап ырдап, андан соң көпчүлүк буга чейин уга элек жубайына арнаган "Врач кыз" аттуу чыгармасын аткарган.

Кеченин аягында көрүүчүлөр акынга ыраазы болуп, токтобой шатырата кол чаап, алкыш айтып көтөрүңкү маанайда тараган. Анда калың эл бул акындын акыркы кечелеринин бири экенин кайдан билди...

Элмирбек Иманалиев "Булбулум"

Элмирбек Иманалиев "Врач кыз"

Автор: Айзада Тураркулова
Фото: Айзада Тураркулова

05:20 22-04-2020

Жазылуу

РУБРИКАДАГЫ СОҢКУ КАБАРЛАР

17:12 2026-09-27 | Түркүн дүйнө

Түштүк Африкада куралчандардын кол салуулары адам өлүмдөрү менен коштолду 456 0

16:10 2026-09-27 | Түркүн дүйнө

Токаев жаңы коргоо министрине аскердик коопсуздук боюнча тапшырмаларды берди 678 0

15:56 2026-09-27 | Спорт

Кыргыз балбаны Орусияда кооз күрөш көрсөттү (видео) 1105 0

14:59 2026-09-27 | Түркүн дүйнө

Казакстанда машыгууда аман калган үч жоокерге да медаль ыйгарылды 1021 0

14:51 2026-09-27 | Түркүн дүйнө

Казакстанда машыгууда каза тапкан жоокерлерге сыйлыктар берилди 872 0

14:19 2026-09-27 | Түркүн дүйнө

Ирандын жогорку лидери урандылардын астынан куткарылганы айтылды 1744 0

Архив

Комментарийлер (7)

ALATOOLUK.JIGIT

2020-04-22 09:16:49

Алп эле.

pero5184

2020-04-22 11:56:16

Абдан таланттуу ,сулуу да болгон экен

nurda00

2020-04-22 12:28:41

Ошончолук алп акындын концертин бир качественный кылып тартып койбогондорго наалат, супер инфодон деле сурадым интервью алып койгулачы маалымат берип койгулачы деп, эми олгондон кийин эскерип жазып не кыласынар? Адамды тируу кезинде тоотпой эми олгон сон данктап жазып баардык маалымат булактарына наалат(((((

+16

admin_portal

2020-04-22 14:05:38

nurda00, буга чейинки маектери, акын тууралуу макалалап толтура, карап көрүңүз.

mela

2020-04-22 14:27:03

nurda00,бир гана супер-инфодо интервьюлары бар экен,бут баарын асык айткан.

Samatalibei

2020-04-22 13:13:26

Ак таңдай акын Элмирбек.
Эмгегиңди эл билет.
Тирүү кездее барктабай.
Кала бердик сениздеп.
Комуз калды энсиреп.
Кош бол акын Элмирбек.

Dushabolna

2020-04-22 22:12:15

Негизи эле жаштардан эмес улуу муундардан да маек алыныздарчы. Мурда да айткан элем. Жаштар не дейт ал олкого бул олкого бардым. Жолдошум сюрприз кылды. Салон ачтым машина алдым. Мактаныш, корсотуш только. Тарбия бере турган улуу муундардан маек алыныздар сураныч. Жаштарга УлГУ болсун. Ансыз деле жаш ырчылар коп. Улуу муун тилекке каршы жылдан жылга суйулуп кетет :(

Комментарий калтыруу үчүн өз ысымыңыз менен кириңиз же каттоодон өтүңүз.