Өкмөт башчы Исфанадагы селдин кесепеттерин жоюу боюнча өткөргөн жыйында турак жайды камсыздандыруу маанилүү экенин айтты

Бүгүн, 3-майда премьер-министр Мухаммедкалый Абылгазиев Баткен облусунун Исфана шаарында жүргөн селдин кесепеттерин жоюуга байланыштуу маселени талкуулаган жыйын өткөрдү. Маалыматты өкмөттүн басма сөз кызматынан кабарлашты.

Анда маалымдалгандай, жыйында өзгөчө кырдаалдар министри Замирбек Аскаров нөшөрлөгөн жамгырдан улам сел жүрүп, анын кесепетинен административдик мекемелерди жана турак жайларды суу каптаганын маалымдады. Ошондой эле ал Исфанага орун басары Равшан Рысбаев жетектеген ыкчам топ кеткенин билдирди.

"Учурда селдин кесепеттерин жоюу жана келтирилген материалдык чыгымдын көлөмүн аныктоо боюнча иштер жүрүүдө, электр энергиясын берүү калыбына келтирилди", - деди Аскаров.

Өкмөт башчы бардык мүмкүн болуучу кооптуу аймактарда алдын алуу иш-чараларды өз убагында жүргүзүү боюнча бир катар тапшырмаларды берди.

"Кыска мөөнөттүн ичинде селдин кесепеттерин жоюу жана өзгөчө кырдаалдардын алдын алуу боюнча комплекстүү иш-чараларды ишке ашыруу зарыл. Биринчи кезекте өзгөчө кырдаалдардын келип чыгуу тобокелдиги бар жерлердеги адамдардын коопсуздугун камсыздоо керек. Турак жайды камсыздандыруу керектиги тууралуу калк арасында түшүндүрүү иштерин жүргүзүү маанилүү. Бул табигый кырсыктардын кесепетинен жабыркаган үйлөрдү калыбына келтирүүдө маселелерди чечүүгө шарт түзөт", - деп белгиледи Мухаммедкалый Абылгазиев.

Автор: Кызжибек Раимова

20:15 03-05-2020

Жазылуу

РУБРИКАДАГЫ СОҢКУ КАБАРЛАР

23:55 2026-07-02 | Коом жана турмуш

Ош шаарында дагы 10 жаңы сквер курулат 252 0

23:45 2026-07-02 | Түркүн дүйнө

Зеленский Батыш өнөктөштөрүн убадаланган ракеталарды өз убагында бербей жатканы үчүн сынга алды 495 0

23:35 2026-07-02 | СОТТУК ИШТЕР

Курсан Асанов: “Менин аракетимде кылмыштын курамы жок” 604 0

23:23 2026-07-02 | СОТТУК ИШТЕР

Курманбек Дыйканбаев: “Президентти колдоп кол койгом” 454 0

22:08 2026-07-02 | СОТТУК ИШТЕР

Бекболот Талгарбеков: “Президентти колдогон позициябыз өзгөргөн жок” 1022 0

21:59 2026-07-02 | Кылмыштар, кырсыктар

Бишкекте жол кырсыгынан үч адам жабыркады 437 0

Архив

Комментарийлер (6)

Chungyz

2020-05-03 20:44:17

Бул дегени озунор аракетнерди кыла бергиле дегени окшойт

robot111

2020-05-04 11:08:13

үйлөр камсыздандырылган болсо жабыркаган үйлор толук калыбына келтирилет.

bond02

2020-05-03 21:27:16

Турак жайды камсыздандырса, уйдун 50% жараксыз абалга келсе мамлекет кайра уйду оз калыбына келтирип береби же канча процентин толоп берет?

anash

2020-05-03 22:40:48

Бул айтырбай келген кырсык кудай сактасын эми ушу камсыздандыруну айтбай эле койсон болбойбу андан коро чечунун жолун ойлогула же озбектерден уйронгуло

Alimbek1000

2020-05-04 10:33:24

Эгер үйлөрүн камсыздандырган болушса анда мамлекет аларга 1 млн сом бөлүп берет. А эгер камсыздандырган эмес болсо анда билбейм

Jaznura

2020-05-04 10:34:33

Үйлөрдү камсыздоо ушундай оор шартта жардамы тиет.

Комментарий калтыруу үчүн өз ысымыңыз менен кириңиз же каттоодон өтүңүз.