Бишкек өзгөчө абал алынгандан кийин. Таңда тартылган сүрөттөр жана бийиктиктен көрүнүш

10-майда саат 24:00дөн баштап өлкөнүн айрым аймактарына киргизилген өзгөчө абал режими алынган болчу. Ага ылайык, коменданттык саат да жоюлган. Бүгүн, 14-майда SUPER.KG порталы Бишкек шаарынын өзгөчө абал алынгандан кийинки көрүнүшүнө көз салды.

Биздин съемка таңкы саат 05:30да башталды. Бул учурда жаңы гана таң атып баштаган, шаардан бирин-серин унаалар менен "Тазалык" кызматынын жумушчуларын гана кезиктирдик.

Саат 10:00гө жакын өзгөчө абалдын алынганы кадимкидей билинди. Жашоочулар сыртка чыгып, турмуш тиричилик менен алек. Базарлар да иштеп баштаган, 1 жарым айдай жабык турган базардын тегерегинде эл көбөйө түшкөн. Азырынча шаарда коомдук транспорттор жүрө элек, жеңил унаалар көп. Ошол эле учурда велосипед менен жүргөндөрдүн көбөйүп калганын байкадык.