Быйыл 59 миңдей окуучу мектепти аяктайт

Быйыл 59 миңдей окуучу мектепти аяктайт. Бул тууралуу Билим берүү жана илим министрлигинин басма сөз кызматынан билдиришти.

"Өлкөдө быйыл 59 миңдей окуучу 11-классты бүтүрөт. Анын ичинен 1 миң 253 окуучу артыкчылык аттестатына талапкер. 9-классты бүтүрүүчүлөрдүн саны быйыл 104 миңге жакын.

Коронавируска байланыштуу 9 жана 11-класстардын бүтүрүүчүлөрүнүн мамлекеттик сынактарды тапшыруу форматы быйыл жылдагыдан айырмаланат. Алардын жалпы жетишкендиктерин эске алуу менен атайын түзүлгөн предметтик мамлекеттик комиссия экзамендик бааларды коёт. Белгилей кетсек, быйылкы окуу жылы 30-майда аяктайт. Кыргыз өлкөсүндө жалпы 2 миң 283 мектеп бар, анда 1 миллион 311 миңден ашуун окуучу билим алат", - деп жазылат маалыматта.

Автор: Айсалкын Качкынбекова