Бишкектеги Ак-Өргө конушунда 7 миллион сомго курулган жаңы бейтапкана ачылды (фото)

Бишкек шаарындагы Ак-Өргө конушунда жаңы курулган бейтапкананын ачылышы болуп өттү. Бул тууралуу шаардык мэриядан билдиришти.

"Дарыгерлердин амбулатордук имараты үчүн 0,56 гектар жер бөлүнгөн. Бейтапкана бир кабаттуу, эки корпустан турат. Конуш жашоочулары үчүн кабылдама бөлүмү, кургак учукту дарылоо бөлүмү, үй-бүлөлүк дарыгерлер тобу, УДИ кабинети жана башка медициналык жардамдарды көрсөтүүчү кабинеттер иштей баштайт.

Долбоордун жалпы суммасы 7 миллион сомду түздү. Каржылык жагын Кыргыз өлкөсүндөгү Катар кайрымдуулук фонду алган. 15-майда бейтапкананын ачылышы бардык санитардык нормаларды сактоо менен болуп өттү", - деп жазылат маалыматта.

Маалым болгондой, Ак-Өргө - борбор калаадагы эң ири конуштардын бири. Анда 22 миңден ашуун адам жашайт.

Автор: Бактыгүл Султаналиева