"Түндүк электр" ишканасы: "90 сом карызы бар делген апанын электр энергиясын биздин мекеме кырккан эмес"

Буга чейин Ысык-Ата районунун Дмитриевка айылындагы "Кыргызавтомаш" дачасынын 70 жаштагы жашоочусунун 90 сом карызы үчүн электр энергиясын кыркып кетишкени жазылган. Анда улгайган апа окуя тууралуу видеодо айтып берген. Бүгүн, 9-июнда анын кызы SUPER.KG порталына апасы абалды интернетке жарыялаганы үчүн басымдар болуп, ооруканага жатып калганын маалымдаган.

Биз бул боюнча "Түндүк электр" ачык акционердик коомуна кайрылдык. Мекеменин маалымат катчысы ал абоненттин электр жарыгы "Түндүк электр" ишканасы тарабынан өчүрүлбөгөнүн билдирди.

"Электр жарыгысыз калдым деп кайрылган абонент Ысык-Ата районунун Дмитриевка айылында жайгашкан "Кыргызавтомаш" багбанчылык бирикмесинин мүчөсү.

Белгилей кетсек, "Кыргызавтомаш" багбанчылык бирикмеси 2009-жылы "Түндүк электр" ААК менен электр камсыздоо боюнча келишим түзгөн. Келишимдин негизинде "Түндүк электр" ААКсы трансформатордук подстанцияда орнотулган негизги эсептегич шайманга чейин электр энергиясын берет. Андан кийин ар бир абонентке чейин электр энергиясын бөлүштүрүүнү багбанчылык бирикмеси жүргүзөт. Башкача айтканда, ички бөлүштүрүү, төлөмдөрдү чогултуу "Кыргызавтомаш" бирикмесинин мойнунда. Ошондуктан, карызы үчүн өчүрүү багбанчылык бирикмеси тарабынан болгон. Видеодо айтылган электр куроочу менен бухгалтер биздин компанияга тиешеси жок", - деп жазылат мекеменин маалыматында.

"Түндүк электр" ААКсы 1-апрелден тарта карыз үчүн өчүрүүнү жана туум эсептөөнү токтотконун кошумчалаган.

90 сом үчүн 70 жаштагы апанын электр энергиясын кыркып кетишкен

Автор: Кызжибек Раимова

16:47 09-06-2020

Жазылуу

РУБРИКАДАГЫ СОҢКУ КАБАРЛАР

17:12 2026-09-27 | Түркүн дүйнө

Түштүк Африкада куралчандардын кол салуулары адам өлүмдөрү менен коштолду 620 0

16:10 2026-09-27 | Түркүн дүйнө

Токаев жаңы коргоо министрине аскердик коопсуздук боюнча тапшырмаларды берди 857 0

15:56 2026-09-27 | Спорт

Кыргыз балбаны Орусияда кооз күрөш көрсөттү (видео) 1377 0

14:59 2026-09-27 | Түркүн дүйнө

Казакстанда машыгууда аман калган үч жоокерге да медаль ыйгарылды 1219 0

14:51 2026-09-27 | Түркүн дүйнө

Казакстанда машыгууда каза тапкан жоокерлерге сыйлыктар берилди 1029 0

14:19 2026-09-27 | Түркүн дүйнө

Ирандын жогорку лидери урандылардын астынан куткарылганы айтылды 2019 0

Архив

Комментарийлер (4)

gute

2020-06-09 16:51:58

Бл* с*ки жанагы коррупционер, байлардын миллиондогон карыздары бар духунар жетсе ошолорду очурбойсунорбу!
Колунардан бок дагы келбейт !

Bars88

2020-06-09 17:38:37

Моюнунуна алышпайт да.Илгери эле жумуштан айдалган деп койсонор деле болот ишене беребиз

algakaray

2020-06-09 18:26:26

Токсон мин карызы бар байлардыкы очпойт дагы токсон сом карызы бар апабыздыкы очту. Элден бирди корот ушинтип атып бийлик.

nelli

2020-06-10 02:46:30

Элди доопарас ойлойсунарбы! Ким ишенсин бул ангеменерге! 50 сом учун кыркып кетесинер го. Уйундо жок болсо кыркып озунорчо акт тузуп кетесинер. Кучунор карапайым калкка жетет. Жонокой эл кудайдан коркот, мыйзамды сыйлайт кечиктирбейле толошот. 5-6 минге чыгып кеткен чондорго алынар жетпейт! Кырккан силерге пайда. 160 сом кошумча акы аласынар!

Комментарий калтыруу үчүн өз ысымыңыз менен кириңиз же каттоодон өтүңүз.