"Удаа-удаасынан жоготуулар". Өрткө каршы кызматында иштеп келген майор Нурлан Токсунбаев 44 жашында мезгилсиз дүйнөдөн кайтты

Ушул жылдын 28-июнунда Свердлов райондук Өрткө каршы мамлекеттик кызмат бөлүмүнүн №3 аскерлештирилген өрткө каршы бөлүгүнүн башчысынын орун басары, майор Нурлан Токсунбаев дүйнөдөн кайтты. Бул тууралуу ӨКМнын басма сөз кызматынан кабарлашты.

Майор Нурлан Токсунбаев 1976-жылдын 2-декабрында Нарын облусуна караштуу Ат-Башы районунун Ак-Муз айылында туулган. Ал өрткө каршы кызматында 1998-жылдан бери иштеп келген. 2018-жылы №8 өрткө каршы кызмат бөлүмүнүн башчысы болуп дайындалып, азыркы күнгө чейин иштеп келген.

Эмгек жолу:

- 1998-жылдан 2000-жылга чейин Бишкек шаардык Өрткө каршы мамлекеттик кызмат бөлүмүнүн №3 аскерлештирилген бөлүгүндө өрт өчүрүүчү;

- 2000-жылдан 2003-жылга чейин Бишкек шаардык Өрткө каршы мамлекеттик кызмат бөлүмүнүн №3 аскерлештирилген бөлүгүндө улук өрт өчүрүүчү;

- 2003-жылдан 2005-жылга чейин Бишкек шаардык Өрткө каршы мамлекеттик кызмат бөлүмүнүн №3 аскерлештирилген бөлүгүндө команда башчысы;

- 2005-жылдан 2011-жылга чейин Свердлов райондук Өрткө каршы мамлекеттик кызматынын №3 аскерлештирилген бөлүгүндө кароол башчы;

- 2011-жылдан 2012-жылга чейин Бишкек шаардык Өрт коопсуздук башкармалыгынын Аскердик техникалык бөлүктүн башчысынын орун басары;

- 2012-жылдан 2013-жылга чейин Бишкек шаардык Өрткө каршы мамлекеттик кызмат башкармалыгынын Свердлов райондук бөлүмүнүн Өрттүн алдын алуу бөлүмүнүн улук инспектору;

- 2013-жылдан 2017-жылга чейин Бишкек шаардык Өрткө каршы мамлекеттик кызмат башкармалыгынын Свердлов райондук №3 аскерлештирилген бөлүгүнүн башчысынын орун басары;

2017-жылдан азыркы убакытка чейинки аталган бөлүктүн башчысынын милдетин аткарып келген.

SUPER.KG порталы майор Нурлан Токсунбаевдин дүйнөдөн кайткандыгына байланыштуу үй-бүлөсүнө көңүл айтып, аза кайгысын тең бөлүшөт.

Буга чейин дээрлик 20 жылдан бери ӨКМда иштеп келген подполковник Мухаметалы Жантаевдин 43 жашында мезгилсиз дүйнөдөн кайткандыгы маалымдалган.

Автор: Гүлшат Ысамамат кызы