Жогорку Кеңештин, легендарлуу парламенттин депутаты болгон. Узакка созулган оорудан улам Жалгап Казакбаев 71 жашында дүйнө салды

Коомдук ишмер Жалгап Казакбаев 71 жашында дүйнө салды. Ал узакка созулган оорудан улам каза болгонун бүгүн, 5-июлда президенттик аппараттын басма сөз кызматынан кабарлашты.

"Маркумду акыркы сапарга узатуу зыйнаты 6-июлда саат 10:00дө Кара-Балта шаарынын Целинная көчөсүндө өтөт. Анын сөөгү Тельман айылына коюлат.

Жалгап Казакбаевдин жаркын элеси элибиздин эсинде сакталат, анын дүйнөдөн кайткандыгына байланыштуу үй-бүлөсүнүн жана жакындарынын аза кайгысын тең бөлүшүп, терең кайгыруу менен көңүл айтабыз", - деп айтылат билдирүүдө.

Жалгап Казакбаев 1949-жылы Панфилов районунун Тельман айылында туулган.

1972-жылы Фрунзе политехникалык институтун аяктап, өзүнүн эмгек жолун Фрунзедеги "Сетунь" заводунда цехтин башчысынын орун басары, мастер болуп иштөөдөн баштаган;

1974-1983-жылдары Нарын облусунун Жумгал районунун Миң-Куш айылындагы "Оргтехника" заводунда цехтин башчысынын орун басары, цехтин башчысы, башкы технолог, башкы инженер;

1983-1987-жылдары Кара-Балта шаарынын "Бакыт" өндүрүштүк бирикмесинин генералдык директору;

1987-1992-жылдары Кара-Балта шаардык кеңешинин, Чүй облусунун кеңешинин төрагасынын орун басары;

1991-жылы Жогорку Кеңештин, легендарлуу парламенттин, 1995-жылы Мыйзам чыгаруу палатасынын депутаты;

1992-1995-жылдары Кара-Балта тоо-кен комбинатынын генералдык директорунун орун басары, генералдык директору;

Кыргыз мамлекеттүүлүгүнүн калыптанышына жана бекемделишине, өлкөнүн социалдык жана экономикалык, тоо-кен өнөр жай тармагынын өнүгүшүнө салым кошкон көрүнүктүү мамлекеттик жана коомдук ишмер катары анын ысымы Кыргыз тарыхында калат.

SUPER.KG порталы Жалгап Казакбаевдин көз жумгандыгына байланыштуу жакындарына жана үй-бүлөсүнө көңүл айтып, аза кайгысын тең бөлүшөт.

Автор: Бактыгүл Момбекова

16:17 05-07-2020

Жазылуу

РУБРИКАДАГЫ СОҢКУ КАБАРЛАР

22:58 2026-09-27 | Спорт

Казакстан фехтование боюнча Азия оюндарында чемпион болду 208 0

17:12 2026-09-27 | Түркүн дүйнө

Түштүк Африкада куралчандардын кол салуулары адам өлүмдөрү менен коштолду 714 0

16:10 2026-09-27 | Түркүн дүйнө

Токаев жаңы коргоо министрине аскердик коопсуздук боюнча тапшырмаларды берди 954 0

15:56 2026-09-27 | Спорт

Кыргыз балбаны Орусияда кооз күрөш көрсөттү (видео) 1627 0

14:59 2026-09-27 | Түркүн дүйнө

Казакстанда машыгууда аман калган үч жоокерге да медаль ыйгарылды 1313 0

14:51 2026-09-27 | Түркүн дүйнө

Казакстанда машыгууда каза тапкан жоокерлерге сыйлыктар берилди 1122 0

Архив

Комментарийлер (6)

Liliia

2020-07-05 16:57:57

жайы жаннатта болсун.олгон адамдын
артынан жаман суйлобойт го

Бирок элибиздин эсинде калат эмес, жеп жутарлардын эсинде калат десенер болмок, мен билбейт экем лично ушундай депутат болгонун

Nur777

2020-07-05 23:01:49

Liliia,бул Легендарлуу Парламенттин депутаты болгон,Чимкирик парламент менен не путайте!))
Алар действительно кыйын болгон...

Jelezo

2020-07-05 17:56:40

Эл деп күйүп иштеген адам эле жаткан жери жайлуу топурагы торко болсун Алла бейиштен орун берсин.

aydinnur

2020-07-05 18:42:47

Топурагы торко болсун дейли,бирок менин эсимде жегичтердин бироосу катары калат..Раматылык Жумабек Ибраимов каза болуп гана турмого камалбай,тергоодон бошоп кеткени менин эле эмес,элдин деле эсинде болуш керек..Суперчилер,кичине конул айтаарда улуурак бироонор менен кенешесинерби же кандай?дежур создорду жазып коё бересинерби?

Nur777

2020-07-05 23:02:58

Жаткан жери жайлуу болсун..
Легендарлуу Парламенттен Мыктыбек Абдылдаев жана бир 2-3оо эле калды окшойт.

nazarKGZ

2020-07-05 23:12:44

Ушуларды деп ушул акбалга келип журобуз баашын да ушу легендарныйлар жеген

Комментарий калтыруу үчүн өз ысымыңыз менен кириңиз же каттоодон өтүңүз.