Баткен облусундагы Төрт-Гүл суу сактагычынан Тажикстанга нормадан көп өлчөмдөгү суу берилип жатабы? Жооп

Баткен облусунун Баткен районундагы Төрт-Гүл суу сактагычында суу жылдагыдан аз, бирок аймакта сугат иштерине суу жетиштүү. Тынчсызданууга негиз жок. Бул тууралуу SUPER.KG порталына облустук администрациядан билдиришти.

Ага ылайык, Төрт-Гүл суу сактагычына жылына 90 миллион метр куб суу топтолот. Бүгүнкү күндө Төрт-Гүл суу сактагычындагы суунун көлөмү 28 миллион метр кубду түзүүдө. Өткөн жылга салыштырмалуу 6 миллион метр кубга аз. Суу сактагыч бүгүнкү күндө Баткен районунун 7 миң 498 жана Баткен шаарынын 1 миң 575 гектар жерин сугат иштерин суу менен камсыздап келет. Быйылкы жылы Төрт-Гүл суу сактагычынан Баткен районунун жана Баткен шаарынын айдоо жерлери үчүн суу берүү мезгили март айынан башталган же болбосо 6 миллион 300 миң метр куб суу жазгы сугат үчүн берилген.

Бүгүнкү күндө сууну сарамжалдуу пайдалануу жагы облустук өкүлчүлүк тарабынан түздөн-түз көзөмөлгө алынып, суу сактагычтагы суунун өлчөмү 28 миллион метр кубдун тегерегинде турукташты.

Ал эми Тажикстанга суу нормадан көп өлчөмдө берилип жатат деген сөз чындыкка дал келбейт. Ак-Суу дарыясындагы сууну бөлүштүрүү боюнча СССР учурунда түзүлгөн үч тараптуу келишимде Кыргыз өлкөсү, Тажикстан жана Өзбекстан мамлекеттери биргеликте пайдалануу жагы белгиленген.

Төрт-Гүл суу сактагычынан тажик тарапка алардын кайрылуусунун негизинде берилген суулар:
2018-жылы 7 миллион 948 миң метр куб;
2019-жылы 7 миллион 431 миң метр куб;
2020-жылы 7 миллион 730 миң метр куб суу берилген.

Учурда аталган суу сактагычтан келүүчү сууга болгон таңкыстык жок.

Автор: Азат Бейшенбеков

16:25 13-07-2020

Жазылуу

РУБРИКАДАГЫ СОҢКУ КАБАРЛАР

22:58 2026-09-27 | Спорт

Казакстан фехтование боюнча Азия оюндарында чемпион болду 208 0

17:12 2026-09-27 | Түркүн дүйнө

Түштүк Африкада куралчандардын кол салуулары адам өлүмдөрү менен коштолду 714 0

16:10 2026-09-27 | Түркүн дүйнө

Токаев жаңы коргоо министрине аскердик коопсуздук боюнча тапшырмаларды берди 954 0

15:56 2026-09-27 | Спорт

Кыргыз балбаны Орусияда кооз күрөш көрсөттү (видео) 1627 0

14:59 2026-09-27 | Түркүн дүйнө

Казакстанда машыгууда аман калган үч жоокерге да медаль ыйгарылды 1313 0

14:51 2026-09-27 | Түркүн дүйнө

Казакстанда машыгууда каза тапкан жоокерлерге сыйлыктар берилди 1122 0

Архив

Комментарийлер (10)

Eden-Hazard

2020-07-13 17:07:14

Ушул тажиктерден тажабадыңарбы...Силерден жер талашат, үйүң өрттөйт,... А силер кошомат кылып акча үчүн баарына даярсынар

u02u02

2020-07-13 17:52:32

Саткычтар

Kyrgyz_bloger

2020-07-13 18:04:01

СССР убагындагы уч тараптуу келишимде дейт го,ошол убактагы келишимдер дагы деле кучундобу?

bond

2020-07-13 18:05:56

Көп берипсинерго сезон бүтө элек эле 7млн730 миң куб берип коюпсунар күзгө чейин дагы бересиңер да.

salimbek87.kg

2020-07-13 18:07:45

Акча үчүн чоңдор эл эмес кочукту да жатасынар мен 3кун илгери отум төрт кол эмес бош бол кол болуп калыптып

Sambet08

2020-07-13 18:13:46

Сатсанар сатып жаткандырсынар качан эле силердин созунор чындыка дал келген озу

Tolkun555

2020-07-13 18:46:04

Крышанарды бир ачып ондотуп алсанар болот беле. 2018 2019 жылдары 7.5 миллион куб берген болсонор, 2020 жылды июль аына чейин 7.7 миллион берип коюпсунар го. Декабрга чейин 15 миллион болобу?

MederBek-Esenbai

2020-07-13 21:43:40

Кайран кыргызым СССР жок болгонуна 30жыл болуп баратат, силер дагы деле СССР убагындагы келишим менен жашайсынар . Келишим деп атып анклав болгону калды Баткен . Четинен сатып атып эч нерсе калбадыго.

Raatbek700

2020-07-13 22:05:18

Ушул сууну токтотсонор тажик озбек оздору жалдырап келет алдынарга

PROS

2020-07-14 05:31:24

Бир нерсе болсо эле "чындыкка дал келбейт" деген шылтоо таап алдыңар ыя?!

Комментарий калтыруу үчүн өз ысымыңыз менен кириңиз же каттоодон өтүңүз.