Өлкөдө коронавирус инфекциясы аныкталган медкызматкерлердин саны 2 миң 381ге жетти

Акыркы эки суткада өлкөдө коронавирус инфекциясын жуктуруп алган медкызматкерлердин саны 112ге өстү. Муну менен республика боюнча илдетти жуктуруп алган кызматкерлердин жалы саны 2 миң 381 болду. Маалыматты республикалык штабдан бүгүн, 20-июлда билдиришти.

Илдет аныкталгандардын 826сы дарыгерлер, орто медперсонал - 1040, кичи медперсонал - 256, медицина тармагында иштеген башка адистер - 259.

18-19-июль күндөргө карата инфекцияны жуктуруп алган медкызмакерлердин статистикасы боюнча маалымат берилген эмес. Бул күндөрү коронавирус инфекциясы менен пневмония илдетине чалдыккандардын статисткасы бир нече себептерден улам бириктирилип, толуктоолор киргизилген.

Автор: Бактыгүл Момбекова