Айрымдар телефон аркылуу кеңеш бере турган пульмонологдор менен байланышуу мүмкүн болбой жатканын айтышууда. Буга топтун жетекчиси жооп берди

Өлкөдө онлайн кеңеш бере турган пульмонолог адистердин тобу түзүлгөн.

Пульмонолог Талантбек Сооронбаевдин жетекчилиги астында түзүлгөн топ телефондон кеңеш бере турганы айтылып, дарыгерлердин номурлары жарыяланган. Бирок айрым жарандар көрсөтүлгөн дарыгерлердин телефон номурларына чалса өчүк болуп же жооп беришпей жатканын билдиришти. Алар бул топтун ишине нааразы болушту.

SUPER.KG порталы Талант Сооронбаев менен байланышты. "Дарыгерлер телефонго жооп бербей жатат деген туура эмес маалымат. Тынбай кеңештер берилип жатат. Бул маалымат боюнча кесиптештерим менен сүйлөшөм, эске алынат", - деди Сооронбаев.

Автор: Жылдыз Джускембаева