Бишкекте Эгемендүүлүк күнүнө карата иш-чараларды өткөрүүгө 2 миллион 700 миң сом каралды

Борбор калаада Эгемендүүлүктүн 29 жылдыгын белгилөөгө даярдыктар көрүлүүдө. Бул тууралуу Бишкек шаардык мэриясынан билдиришти.

Маалыматка ылайык, "Ала-Тоо" аянтынын "Илбирс" имаратынын сыртына майрамдык баннерлер илинип, жасалгалоо иштери жыйынтыкталды. Жалпы шаардык жасалгалоо иштерине, иш-чараларга жана фейерверкке 2 миллион 700 миң сом каралган.

"31-августта аянтта медициналык "Тез жардам" кызматынын унаасы жана бир өрт өчүрүү унаасы болот. Коомдук коопсуздукту камсыздоо максатында Бишкек шаарынын ИИББинин жеке курамы тартылган", - деп айтылат маалыматта.

Автор: Айжанар Рыспек кызы