Бишкекке Делиден Кыргыз жарандары учуп келди

Бишкекке Индиянын борбору Делиден Кыргыз жарандары учуп келди. Бул тууралуу республикалык штабдан билдиришти.

"Манас" эл аралык аэропорту 30-августта "Авиа Траффик Компания" авиакомпаниясынын Дели–Бишкек багыты боюнча чартердик каттамын тосуп алды. Анда өлкөгө 64 Кыргыз жараны кайтып келди.

Бул каттам дүйнөдөгү коронавирус инфекциясынын пандемиясынын жайылышынан чек аралар убактылуу жабылышынан жана эл аралык жүргүнчү ташуу авиабилдирүүлөрүнүн токтошунан улам чет өлкөдөгү Кыргыз жарандарын кайтаруу боюнча жүргүзүлгөн иштин алкагында президенттин жана өкмөттүн тапшырмасын аткаруу үчүн ишке ашырылган.

Чет мамлекеттерде жүргөн жана мекенине кайтып келүүнү каалаган КРнын жарандарын кайтаруу боюнча иштер уланууда.

Автор: Айсалкын Качкынбекова