Кыйкырып, биргеликте кол чабышып... Жогорку Соттун алдында митинг өтүүдө

Бүгүн, 1-сентябрда Жогорку Сотто "Кыргызстан" партиясынын шайлоого катышуу укугун карайт. Сот саат 16:00гө белгиленген, бирок саат 14:00дөн тартып эле мекеменин алдына эл топтолду.

Келгендердин арасында жалпыга маалымдоо каражаттарынын өкүлдөрү, активисттер, "Кыргызстан" партиясынын колдоочулары жана башка партиялардын өкүлдөрү келишкен.

Башка партиялардын өкүлдөрү "Кыргызстан" партиясы документ тапшыруу эрежесин бузган, БШКнын чечимин коргоо керек дешет.

Алар биргеликте таза шайлоо, мыйзам иштесин деп чогуу кыйкырып, кол чабышууда.

Автор: Бактыгүл Султаналиева
Фото: Бактыгүл Султаналиева