Парламентте Ысык-Көлдүн айланасы таштандыга толуп кеткени боюнча маселе көтөрүлдү

Бүгүн, 3-сентябрда парламентте Ысык-Көлдүн айланасы таштандыга толуп кеткени боюнча маселе көтөрүлдү.

"Ысык-Көлдөгү экологиялык абал оор. Көлдүн айланасы таштандыга толуп кеткенин көрүп турабыз. Ал эми өлкөнүн бардык аймагында айлана-чөйрө менен аба мейкиндиги булганууда. Анын башкы себеби автоунаалардын кескин өсүшү. Мындай абал жергиликтүү тургундар менен эс алуучулардын ден соолугуна терс таасирин тийгизет. Тийиштүү мамлекеттик органдар бул багытта чараларды көрүүгө тийиш", - деди депутат Пархат Тулендыбаев.

Автор: Жылдыз Джускембаева