Бишкекте 4 жашар кыз жоголуп, кайра табылды

Милициянын кайгуул кызматкерлери жоголуп кеткен кичинекей кызды таап беришти. Бул тууралуу патрулдук милициянын басма сөз кызматынан билдиришти.

Бүгүн, 7-сентябрь күнү болжол менен саат 11:10 чамасында Бишкек ШИИББинин "102" кызматына Алыкулов менен Дэн Сяопин көчөлөрүнүн кесилишинде кичинекей кыз жоголду деген маалымат келип түшкөн.

Айтылган дарекке милициянын кайгуул кызматкерлери барып 2016-жылы туулган Т.М. аттуу кичинекей кыз дайынсыз болуп изделип жатканын аныкташкан.

Милициянын кайгуул кызматкерлери ыкчам издөө иш-аракетин уюштуруп, жыйынтыгында аз убакыттын ичинде кичинекей кызды таап, апасына сак саламат өткөрүп беришкен.

Өз кезегинди кичинекей кыздын апасы кызматкерлерге ыраазычылыгын билдирген.

Автор: Айсалкын Качкынбекова