Өлкөдө коронавирус илдети 17-18-июль күндөрү эң көп катталган

Өлкөдө коронавирус илдети 17-18-июль күндөрү эң көп катталган. Бул тууралуу республикалык штабдан билдиришти.

"СOVID-19 алгачкы учуру катталган күндөн тарта ооругандардын саны 3 бейтаптан (18-март) 44 миң 828ге (12-сентябрь) чейин көбөйдү. Лаборатордук жана клиникалык-эпидемиологиялык тастыкталган учурлар боюнча статистика бириктирилгенден бери 17-июлдан тарта ооругандардын эӊ көп саны катталган күндөр: 17-июль – 1654, 18-июль – 1264. Эӊ көп Бишкек шаарында – 17793, ал эми эӊ азы Талас облусунда – 1442 аныкталган.

30-мартта Жалал-Абад облустук клиникалык ооруканасынан алгачкы 3 айыккан бейтап чыгарылган. Бүгүнкү күндө жалпы 40 779 адам коронавирустан айыкты", - деп жазылат маалыматта.

Автор: Жылдыз Джускембаева