Чүй облусунун Сокулук районунда кездеме калдыктарын кайра иштетүүчү цехтен 13-сентябрда өрт чыккан. Окуя болгон жерге тартылган куткаруучулардын бири өрт өчүрүү учурунда жаракат алганын ӨКМнын маалымат кызматынан кабарлашты.
"Учурда жаракат алган куткаруучунун абалы канааттандырарлык. Ал бетинен жана колунан 3 пайыз күйүк алган", - дейт маалымат катчы.
Жыгач устундуу темир жабылган кездеме калдыктарын кайра иштетүүчү цехтен чыккан өрттөн ишкананын 700 чарчы метр чатыры жана 3 тонна кездеме калдыктары күйгөн.