Кыргыз өлкөсүндө 1200 мектепке 25 миңден ашуун компьютер берилет

Кыргыз мамлекети менен Эл аралык өнүктүрүү ассоциациясынын ортосундагы "Келечек үчүн билим берүү" долбоорунун алкагында өлкөдөгү 1200 мектеп компьютердик жабдыктар менен камсыздалат. Бул тууралуу Билим берүү жана илим министрлигинин басма сөз кызматынан билдиришти.

Долбоор билим берүү жараянын өнүктүрүүгө шарт түзүү жана мугалим менен окуучулардын санариптик көндүмдөрүн жогорулатууга багытталган. Долбоордун жардамында 1200 мектепте атайын компьютердик класстар пайда болот. Ар бир класста 15тен компьютер (25 200 даана компьютер эмерек менен), бирден көп функционалдуу жабдык (сканер, принтер, көчүрүү модулу - 1200 даана) жайгашат. Ушул эле мектептерде өзгөчө математика жана табигый илимдер предметтери боюнча кошумча электрондук материалдар менен сабак өтүүгө мүмкүндүк берген 6 мультимедиялык (проектор, компьютер, ups) класстар ачылат.

Республикалык педагогикалык кызматкерлердин квалификациясын жогорулатуу жана кайра даярдоо институту жана 8 педагогикалык колледжде компьютердик класстар пайда болот. Мындан сырткары, окуучулардын билимин баалоонун эл аралык программасына катышуу (PISA), балдарды окутуунун натыйжалуулугун, мугалимдердин квалификациясын жогорулатуу максатында табигый илимдер предметтерин окутуу методикасы жана ИКТ компетенттүүлүгүн жогорулатуу курстарынан 36 миң педагог өтөт.

Автор: Гүлдана Мамадали кызы

12:59 15-09-2020

Жазылуу

РУБРИКАДАГЫ СОҢКУ КАБАРЛАР

22:58 2026-09-27 | Спорт

Казакстан фехтование боюнча Азия оюндарында чемпион болду 333 0

17:12 2026-09-27 | Түркүн дүйнө

Түштүк Африкада куралчандардын кол салуулары адам өлүмдөрү менен коштолду 789 0

16:10 2026-09-27 | Түркүн дүйнө

Токаев жаңы коргоо министрине аскердик коопсуздук боюнча тапшырмаларды берди 1051 0

15:56 2026-09-27 | Спорт

Кыргыз балбаны Орусияда кооз күрөш көрсөттү (видео) 1865 0

14:59 2026-09-27 | Түркүн дүйнө

Казакстанда машыгууда аман калган үч жоокерге да медаль ыйгарылды 1437 0

14:51 2026-09-27 | Түркүн дүйнө

Казакстанда машыгууда каза тапкан жоокерлерге сыйлыктар берилди 1222 0

Архив

Комментарийлер (2)

Ka2sr1

2020-09-15 13:10:31

Орус, англис тилин уйронгуло.

-1

AdylbekB84

2020-09-15 14:20:50

Ар бир мектепке жетишин камсыз кылгыла, министр өзү көзөмөлгө албаса бир айылда 2 мектептин 1 не жетип 2- не жетпей калчуу эле биз окуп жүргөн убакта! Классты даярдап компьютерге ылайыкташтырып, терезелерине темир тор тактыртып жасап 2 жыл күнкөнүбүз эсимде, көрсө кошуна мектепке өткөрүп жүрүшүптүр! Документ боюунча 1 айыл көрсөтүлөт экен, ал айылда канча мектеп бар экенин көрсөтүшпөй, райондук билим берүү комитети дагы колунан эч нерсе келбей койгон ошондо.

Комментарий калтыруу үчүн өз ысымыңыз менен кириңиз же каттоодон өтүңүз.