Артур Цветков менен чырдашкан Кыргыз жигити: "Эмне үчүн менин колумду кармап кечирим сурадыңыз?"

Буга чейин социалдык тармактарда орусиялык телеалпаруучу Артур Цветков Манап аттуу Кыргыз жигити менен тез тамактануучу жайда чырдашканы кызуу талкууга алынган. Кийинчерээк Цветков Кыргыз жигитине барып кечирим сураган.

Бул окуя тынчып калганда Цветков кайрадан социалдык тармактагы баракчасы аркылуу алып баруучу Ассоль Молдокматованы сотко берерин айтып чыккан. Цветковдун бул кылыгына аны менен чырдашкан Манап аттуу жигит таң калып жатканын социалдык тармактагы баракчасы аркылуу жасаган видео кайрылуусунда айтты.

"Артур Цветковдун видеосун көрүп таң калдым. Сиз, Артур, өзүңүз эле келип, мени мазактап, урушуп, басынтып, уят сөздөрдү сүйлөп, депортация кылам деп коркутуп, анан баарын тескери буруп, эми биздин Ассоль Молдокматованы айыптап жатасызбы? Сиз Ассолду улутчулдукту козутту деп айыптап жатасыз. Демек, чындыгында сиз өзүңүздү айыптап жатасыз, бизде бардык видеолор бар! Мен сизден ачык эле сурагым келет: Эмнеге колумду кармап кечирим сурадыңыз? Эми сотко берем деп андан акча табыш керекпи? Бул сиздин акча табуу принцибиңиз", - деген Кыргыз жигити.