ИИМ: "Милиция журналисттерге кол салуу болгон фактыны териштирип баштады"

Милиция журналисттерге кол салуу болгон фактыны териштирип баштады. Бул тууралуу ИИМдин басма сөз кызматынан билдиришти.

Маалыматка ылайык, бул факты атайын журналга каттоого алынган.

"Журналисттерге болгон кол салуу учурда териштирилүүдө. Анын жыйынтыгы менен юридикалык баа берилет. Учурда милиция жабырлануучу жана окуянын күбөлөрүн суракка алууда", - деп билдирет басма сөз кызматынан.

Кечээ, 4-октябрда Жогорку Кеңештин депутаттарын шайлоо күнүндө "Азаттык" жана "Kloop.kg" сайтынын журналисттерине иш учурунда кол салуу болгон.

Автор: Айсалкын Качкынбекова