
Бишкекте 2-6-класстын окуучуларынын реалдуу режимде билим алуусу белгисиз мөөнөткө жылдырылды. Бул тууралуу шаардык мэриянын басма сөз кызматынан кабарлашты.
Буга чейин Билим берүү жана илим министрлиги менен Саламаттыкты сактоо министрлиги тарабынан 6-октябрдан тартып менчигинин түрүнө жана формасына карабастан жалпы билим берүү уюмдарынын 2-6-класстарынын окуучулары үчүн билим берүү процессин реалдуу режимде уюштуруу жөнүндө буйрук чыгарылган.
"Санитардык-эпидемиологиялык борбордун башкы дарыгеринен окутууну жандантууну кайрадан карап чыгуу сунушу түштү. Мэриянын алдындагы билим берүү башкармалыгы сунушту карап чыгуу үчүн реалдуу режимде окутуу процессин белгисиз мөөнөткө жылдырды".