"Достук" мейманканасында 6-чакырылыштын депутаттары чогулууда

Бүгүн, 6-октябрда Бишкек шаарындагы "Достук" мейманканасында 6-чакырылыштын депутаттары чогулууда.

Жогорку Кеңештин басма сөз кызматынын жетекчиси Ибрагим Нуракун уулу: "Урматтуу кесиптештер, Жогорку Кеңештин "Достук" мейманканасындагы кезексиз жыйынына кворум жок. Он чакты депутат келди. Жыйын өтпөй калышы ыктымал. Жыйынга келген депутаттар башка депутаттарды кезексиз жыйынга келүүгө чакырышууда".

Депутат Кожобек Рыспаев, Талант Мамытов жана Садыр Жапаровдун жактоочусу жыйындар залына кирип кетти.

Учурда журналисттер жыйынга киргизилбей жатат. Себеби азырынча белгисиз.

Автор: Жылдыз Джускембаева
Фото: Жылдыз Джускембаева