Кечээ, 6-октябрда саат 14:11де Кыргыз Республикасы менен Кытай Эл Республикасынын чектешкен аймагында очогунда күчү 5 баллга жеткен жер титирөө катталды. Бул тууралуу Сейсмология институтунун маалымат кызматынан кабарлашты.
Ага ылайык, жер титирөө Ош облусунун Алай районунун Нура, Эркеч-Там айылдарында 4 балл, Икизяк, Көк-Суу айылдарында 3 балл, Кара-Киндик, Бор-Дөбө айылында 2,5 баллга чейин сезилген.
Жер титирөөдөн жабыркагандар жана кыйроолор катталган жок.