Бишкек мэриясы жеңилдетилген "Тулпар" карталарын берүүнү жандантты

Бишкек мэриясы жеңилдетилген "Тулпар" карталарын берүүнү жандантты. Бул тууралуу шаардык мэриянын басма сөз кызматынан билдиришти.

"Бүгүндөн баштап биз жеңилдетилген категориядагы жарандарга "Тулпар" кызыл карталарын берүүнү улантып баштадык. Эртең мененки 09:00дөн кечки 18:00гө чейин төрт райондогу тейлөө борборлорунда берилет.

Бардык берүү пункттарында пенсионерлердин коопсуздугу үчүн санитардык талаптар сакталып, тазалагычтар орнотулуп, бет кап режими киргизилген", - деп жазылат маалыматта.

Берүү пункттары:

Ленин акимиаты - Чүй кең көчөсү, 315 (Фучик көчөсү менен кесилишет);

Октябрь акимиаты - Байтик Баатыр көчөсү, 17 (Медеров көчөсү менен кесилишет);

Свердлов акимиаты - Чүй кең көчөсү, 28 (7-Апрель көчөсү менен кесилишет);

Биринчи Май акимиаты - Жибек Жолу кең көчөсү, 348 (Логвиненко көчөсү менен кесилишет).