"Манас" эл аралык аэропорту штаттык режимде иштеп жатат

"Манас" эл аралык аэропорту штаттык режимде иштеп жатат. Бул тууралуу аталган мекеменин басма сөз кызматынан кабарлашты.

"Айрым массалык маалымат каражаттарында жана социалдык тармактарда тарап жаткан маалымат чындыкка дал келбейт. "Манас" эл аралык аэропортунун кызматкерлери жумуш ордуларында жана өз милдеттерин аткарышууда", - деп билдиришти басма сөз кызматынан.

Эскерте кетсек, "Манас" эл аралык аэропортунун директорлорунун кеңешинде Бактыбек Сыдыковду жетекчилик кызматка дайындоо боюнча чечим кабыл алынган.

Автор: Айжанар Рыспек кызы