Музей фондунан буюмдарды өткөрүп берүүгө тыюу салуу жөнүндө буйрукка кол коюлду

Мамлекеттик музейлердин музей фондунан буюмдарды өткөрүп берүүгө тыюу салуу жөнүндө буйрукка кол коюлду.

Музей буюмдарынын жана музей коллекцияларынын сакталышы жана уурдалышын алдын алуу максатында мамлекеттик музейлеринин музей фондунан мекемелердин ички жасалгаларын кооздоо үчүн музей буюмдарын убактылуу пайдаланууга берүүгө жана көргөзмөлөрдү адистештирилбеген мекемелерде уюштурууга жана өткөрүүгө тыюу салынат.

Тиешелүү буйрукка маданият, маалымат жана туризм министри Нуржигит Кадырбеков кол койду. Буйруктун аткарылышын көзөмөлдөө министрликтин маданий мурастарды сактоо жана өнүктүрүү башкармалыгына жүктөлдү.

Автор: Айсалкын Качкынбекова