Эне тилге эки мүнөт: "Эгиндүүлөрдүн ашыгы алчы туруп, өтө кылдаттык менен туйтуна башташты". Ашыгы алчы туруу деген эмне?

"Эне тилге эки мүнөт" рубрикасынын бул жолку чыгарылышында фразеологизм сөздөрүнүн маанисин эл аралык Кувейт университетинин лингвистика жана социалдык гуманитардык илимдер кафедрасынын доценти Гүлнур Жамалбекова түшүндүрүп берди.

1. Ач болсо - азык, ток болсо - казык - дайыма жанга күйөр, арка-тирек болор деген мааниде колдонулат. Мисалы: "Ач болсо - азыгыңмын, ток болсо - казыгыңмын" деп толгонуп турдум. (Ш.Үмөталиев).

2. Ашыгы алчы туруу - иши оңолуу, тилеги орундалуу, максатына жетүү. Мисалы: Эгиндүүлөрдүн ашыгы алчы туруп, өтө кылдаттык менен туйтуна башташты. (М.Абдукаримов).

3. Шамыян кайруу - тең тайлаша алуу, күчүн көрсөтүү. Мисалы: Байымбек канчалык жанын кашайтпасын, шамыян кайрып алууга дармансыздыгына өкүндү. (Ш.Бейшеналиев).

Автор: Гүлдана Мамадали кызы