Шаар тургуну үйүнө таштанды толтуруп алган. Мэрия тазалоо иштерин жасап, Нариман Түлеевге муктаж экенин айтты

Бишкекте улгайган аял батирдин ичин таштандыга толтуруп алган. Керексиз делинген буюм-тайымдар "Тазалык" муниципалдык кызматы тарабынан тазаланды. Бишкек шаардык мэриясынын басма сөз кызматы үйдүн ичиндеги көрүнүштү, андагы тазалоо иштери тууралуу видеону жарыялап, билдирүү калтырган.

"Бул улгайган аялдын үйү. Кошуналарга бири-бирине колдоо көрсөтүп, кантип жашап жатканын билүү маанилүү. Албетте, "Тазалыктын" кызматкерлери жыйнап кетебиз. Бирок азыр бизге дагы кыйын болуп турат. Нариман Түлеев, сиз бизге керексиз", - деп айтылат билдирүүдө.

Социалдык тармактын колдонуучулары "таштандыга толуп калган үй менен Нариман Түлеевдин кандай байланышы бар?", "силер Түлеевсиз эле сонун иштечүсүңөр, эми деле сонун иштейсиңер" деген сындуу пикирлерин калтырышкан.

Автор: Бактыгүл Момбекова