Бүгүн, 26-октябрда Борбордук шайлоо комиссиясынын имаратынын алдында нааразычылык митинги болуп өттү. Анда "Бүтүн Кыргызстан" партиясынын тарапташтары шайлоону өз убагында өткөрүүнү талап кылып, премьер-министрге кат жолдоору айтылды.
"БШКнын алдында тынчтык митинги болуп өттү. Ал жерде бир нече талаптар айтылды. Эң башкысы парламенттик шайлоону өз убагында өткөрүү, Баш мыйзамга кол салууну, БШКга басымды токтотуу, укуктук талаага кайтуу, мыйзамдуулукту сактоо боюнча талаптар айтылды. Аягында эл тынч тарап кетти", - деди "Бүтүн Кыргызстан" партиясынын мүчөсү Мирбек Мунарбек уулу.