Акыйкатчы Токон Мамытов бүгүн, 27-октябрь күнү саат 15:00дө СИЗО-1ге барат. Анда ал абактагы президент Алмазбек Атамбаевге жолугат. Акыйкатчы президенттин абалы жана буга чейин айтылган маалыматтар боюнча кабар алат. Бул тууралуу акыйкатчы институтунан билдиришти.
Ошондой эле акыйкатчы институтунан Алмазбек Атамбаев жер төлөөдө камалып турат деген кабар чындыкка дал келбей турганын билдирет.
Кечээ, 26-октябрда экс-президент Алмазбек Атамбаев Азиз Батукаевдин мыйзамсыз бошотулган иши боюнча Биринчи Май райондук сотунун чечиминин негизинде СИЗО-1ге алып келинген. Атамбаев ачкачылык жарыялаган.