Бүгүн, 29-октябрда Бишкек ЖЭБинде саат 13:06да системдик авария катталып, борбор калаанын тургундарына ысык суу жана жылуулук берүү үзгүлтүккө учурады. Аталган мекемеден системдик авария катталганын билдиришип, бир нече сааттын ичинде иш калыбына келерин билдиришти.
Ага улай эле шаардын көпчүлүк аймактарында электр жарыгы дагы үзгүлтүккө учурап, бир нече жолу өчүп, күйдү. Анын кесепетинен жол чырактар иштебей, шаардын борбордук көчөлөрүндө унаалардын тыгыны пайда болду.