Республикалык жугуштуу оорулар ооруканасында электр энергиясы үзгүлтүккө учурашынан улам көйгөйлөр жаралды

Бүгүн, 29-октябрда Бишкек ЖЭБинде саат 13:06да системдик авария катталып, борбор калаанын тургундарына ысык суу жана жылуулук берүү үзгүлтүккө учурады. Мындан улам Республикалык жугуштуу оорулар ооруканасында электр энергиясынын үзгүлтүккө учурашынан улам көйгөйлөр жаралды. Бул тууралуу Саламаттыкты сактоо министрлигинин басма сөз кызматынан билдиришти.

"Электр жарыгы үч жолу өчүп күйүптүр, концентраторлор аркылуу дем алып жаткан бейтаптар бир аз дүрбөлөңгө түштү. Азыркы учурда баары өз калыбында иштеп жатат. Жандандыруу бөлүмүндө генераторлор бар", - дешти министрликтен.

Автор: Айжанар Рыспек кызы