Садыр Жапаров: "Анча-мынча кадрдык мүчүлүштүктөр кетип калып жатат"

Президенттин милдетин аткаруучу, премьер-министр Садыр Жапаров кадрдык мүчүлүштүктөр кетип калганын бүгүнкү жыйында билдирди.

"Мага күнүгө ар кандай адамдар келет. Баары мен кыйын, мен иштегенге даярмын деп турушат. Колдон келгенче куугунтукка албай, жаштарды жумушка тартканга аракет кылып жатабыз. Анча-мынча кадрдык мүчүлүштүктөр кетип калып жатат. Аны баарыңар эле түшүнүп турасыңар. Ар кандай саясий күчтөр суранат экен. Бул жерди ар кандай топко же буга бер дейт экен. Эми реформа жүргөндөн кийин гана баары кызматка конкурс катары алынып, баары тазаланат деп айтып кете алам. Баарыңар сапатка иштегиле, эл бат эле таразага салып коёт. Интернет деген бар", - деди Жапаров.

Автор: Айсалкын Качкынбекова