ИИМдин кызматкерлери 9 айда жалпы 97 миң 332 жолу окуя болгон жерге чыгышкан

Ушул жылдын акыркы 9 ай ичинде ИИМдин милиция кызматкерлери 97 миңден ашуун окуя болгон жерге барышкан. Бул тууралуу аталган мекеменин басма сөз кызматынан билдиришти.

Маалыматка ылайык, 9 ай ичинде ИИМдин кызматкерлери катышкан нөөмөт бөлүктөрүнүн ыкчам тергөө топтору окуя болгон жерге жалпы 97 миң 332 жолу чыгышкан. Алардын тизмеги:

Жалган чакыруулар - 2 миң 304;

Кылмыш жана жорук фактылары боюнча - 77 миң 979;

Медициналык мекемелерге (криминалдык мүнөздөгү жаракаттар) -17 миң 49;

Тергөө ыкчам топтор - 1 миң 867 кылмыштын бетин ачышты.

ИИМдин борбордук аппаратынын ыкчам нөөмөтчүлөрү тарабынан 5 миң 455 телефон чалуулар каралган. Алар: криминалдык мүнөздөгү – 1 миң 946, коомдук-саясий мүнөздөгү – 831, маалыматтык-маалымдама мүнөзүндөгү – 2 миң 678.

"Күн сайын жетекчи курам тарабынан нөөмөтчү топторго республиканын аймагындагы коомдук-саясий жана криминалдык абал тууралуу мааалымат берилип, нөөмөт убактында жеке жоопкерчилиги тууралуу, өз милдеттерин так аткарууга тапшырмалар коюлат", - деп айтылат маалыматта.

Автор: Гүлдана Мамадали кызы