Жакын арада бүт акимиаттар, шаардын кызмат жетекчилери элди 2 сааттан кабыл ала баштайт. Бул тууралуу Бишкек шаардык мэринин милдетин аткаруучу Балбак Түлөбаев өзүнүн социалдык тармактагы баракчасына жазды.
"Эртеңден баштап Медер Бейшеналиев, Дастан Шаршеев, Абдес Анарбеков мага жардам берет. Социалдык тармактагы элдин арыз, суроо-талаптарына жооп беришет.
Жакын арада бүт акимиаттар, шаардын кызмат жетекчилери ордуларынан элди 2 сааттан кабыл алат. Биринчи күндөн бешинчи күнгө чейин. Бардык жерде аралык сакталып, санитайзер, бет кап колдонулушу керек", - деп жазган Түлөбаев.
Балбак Түлөбаев Бишкек шаарынын мэринин милдетин аткаруучу болуп 27-октябрда дайындалган.