Жогорку Кеңеш кызматкерлердин айлык маянасынын кечеңдеп жатканына карата түшүндүрмө берди

Жогорку Кеңештин кызматкерлеринин айлык маянасынын кечеңдеп жатканына карата түшүндүрмө берилди. Бул тууралуу парламенттин сайтына жарыяланды.

"5-6-октябрдагы болуп өткөн окуялардан улам Жогорку Кеңештин имаратындагы компьютерлер талкаланып, уурдалып, документтер жоголгондугуна байланыштуу тиешелүү эсеп-кысап бөлүмүнүн ишинде да көйгөйлөр жаралган. Натыйжада Жогорку Кеңеште иштегендердин айлык маянасын убагында берүү кечеңдеди. Учурда документтерди калыбына келтирүү менен эсептөө иштери жүргүзүлүүдө. Каралган акча толук бойдон кийинки аптанын жума күнүндө төлөнүп берилет", - деп жазылат маалыматта.

Автор: Жылдыз Джускембаева