Жалал-Абад шаарында өрт кырсыгы өткөн жылга салыштырмалуу 36 пайызга азайган

Жалал-Абад шаарында өрт кырсыгы 36 пайызга азайды. Бул тууралуу Өзгөчө кырдаалдар министрлигинин басма сөз кызматынан кабарлашты.

Маалыматка ылайык, 10 ай ичинде Жалал-Абад шаарынын аймагында 32 өрт кырсыгы катталып, өткөн жылга салыштырмалуу өрт кырсыгы 36 пайызга азайган.

"Ыкчам аракеттердин натыйжасында өрт өчүрүүчү-куткаруучулар тарабынан 38 миллион 300 миң сомдук материалдык баалуулуктар сакталып калган. Катталган өрттүн 18и турак үйлөрдө катталып, негизги себептери электр жабдууларын туура эмес колдонуудан келип чыккан", - деп айтылат маалыматта.

Автор: Айжанар Рыспек кызы