Республикалык бюджеттин болжолу боюнча парламенттик угуу өтөт

"2021-жылга республикалык бюджети жана 2022-2023-жылдарга болжолу жөнүндө" мыйзам долбоору боюнча парламенттик угуу өтөт. Бул тууралуу Жогорку Кеңештин сайтына жарыяланды.

Маалыматка ылайык, парламенттик угууга мамлекеттик органдардын, жергиликтүү өз алдынча башкаруу органдарынын, өкмөттүк эмес уюмдардын, жарандык коомдун, жалпыга маалымдоо каражаттарынын өкүлдөрү чакырылат.

Жыйын 13-ноябрда саат 14:00дө өтөт. Парламенттик угуу Швейцариянын кызматташтык жана өнүктүрүү боюнча башкармалыгынын “Жарандардын активдүү катышуусундагы күчтүү парламенттик демократия” долбоорунун көмөгү менен өткөрүлөт.

Автор: Жылдыз Джускембаева