Эне тилге эки мүнөт: "Эсин жыйып ала албай, зеңгиреп жаткан андан көп". Зеңгиреп деген сөздү кандай түшүндүңүз?

"Эне тилге эки мүнөт" рубрикасынын бул жолку чыгарылышында кыргыз тилиндеги тарыхый,архаизм сөздөрдүн маанисин эл аралык Кувейт университетинин лингвистика жана социалдык гуманитардык илимдер кафедрасынын доценти Гүлнур Жамалбекова түшүндүрүп берди.

1. Камбыл - ар нерсеге камы бар, сарамжалдуу, даярдык көрүп коюу. Мисалы: Найзага камбыл маш болгун, Төштүк! ("Эр Төштүк")

2. Зеңгирөө - башы айлануу, эңги-теңги болуу. Мисалы: Эсин жыйып алалбай зеңгиреп жаткан андан көп. ("Семетей")

3. Какжырап калды - эби-сыны кетүү, калыбы бузулуу, өтө кургап мурдагысындай болбой калуу. Мисалы: Күнгө какжырап, калыбынан тайган эшиктерди, тепкичтерди көрдү. (К.Баялинов).

Автор: Гүлдана Мамадали кызы