Депутат экономикалык кылмыштар боюнча өндүрүлгөн каражаттар бюджетке кайтарылыш керек экендигин айтты

Депутат Наталья Никитенко экономикалык кылмыштар боюнча өндүрүлгөн каражаттар бюджетке кайтарылышы керек экендигин айтты. Бул тууралуу ал бүгүн, 12-ноябрда Жогорку Кеңештин жыйынында билдирди.

Ал белгилегендей, Коопсуздук кеңешинин чечими жана өкмөттүн токтомунун негизинде акыркы жылы түшкөн 2 миллиард сом Бирдиктүү депозиттик эсептеги каражат укук коргоо органдарында калтырылбастан, түз республикалык бюджетке кайтарылышы керек.

"Мындагы карама-каршылыкты жоюу үчүн Бюджеттик кодекске тиешелүү түзөтүүлөрдү киргизүү талап кылынууда" - деди Наталья Никитенко.

Автор: Жылдыз Джускембаева