Австралияда бейтап COVID-19 менен 9 ай ооруп каза болду

Австралиянын тургуну COVID-19 менен ооруп, тогуз айдан кийин каза болду. Бул тууралуу чет элдик басылмалар жазып чыгышты.

Жазылган маалыматка ылайык, Австралияда COVID-19 менен ооруган бейтаптарынын бири инфекциядан тогуз ай өткөндөн кийин 21-декабрда оорудан көз жумган. Анын COVID-19ду жуктуруп алгандыгы март айында аныкталган. 19-сентябрдан бери Австралияда мындай диагноз менен оорулуу биринчи болуп каза болгондугун башкы дарыгери Керри Чант билдирген.

"Бейтап көз жумардан мурда текшерилгенде анализи терс чыккан. Бирок анын оорусу башкаларга коркунуч жараткан эмес. COVID-19 инфекциясынын узак мөөнөттүү коркунучтуу кесепеттерин көрсөттү деп ойлойм", - деген дарыгер.

Автор: Гүлдана Мамадали кызы