"Жай музыкага ыргалган Лукашенко". Беларусь өлкөсүнүн президенти жаш студент кыз менен вальс бийлегени талкууга түштү

Кечээ, 29-декабрда Беларустун Минск шаарындагы Эгемендүүлүк сарайында жаштар үчүн салтка айланган Жаңы жылдык бал болуп өттү. Бул тууралуу чет элдик басылмалар жазып чыгышты.

Ага ылайык, өлкө президенти Александр Лукашенко иш-чараны ачып, андан соң салтанаттын катышуучуларынын бири менен вальс бийин бийлеген.

"Мен сиздерге толугу менен ишенем. Ооба, биз азыр башыбыздан оор күндөрдү өткөрүп жатабыз. Кээде чоң окуяларда, жаштар, силер турасыңар. Мындай дайыма болуп келген. Менин убагымда дагы, менден кийин дагы. Бирок эртедир-кечтир бардык балдарыбыз чет элдик телеграм каналдарынын чакырыктарын эмес, акылдын үнүн уга тургандыгына ишенем. Алар бүгүнкү келечек үчүн алышып жаткандарга ыраазычылык билдиришет”, - деп билдирди Лукашенко балдын ачылышында.

Маалыматка караганда, майрамдык иш-чарага жалпы 314 балдар жана кыздар чакырылган. Алардын арасында жогорку окуу жайдын студенттери, ошондой эле президенттик стипендиянын ээлери жана орто билим берүү тармагында билим алгандар, ар кандай сынактардын жеңүүчүлөрү жана олимпиада, конференциялардын катышуучулары бар.