Хорватияда 29-декабрда күчү 6,3 баллга жеткен жер титирөө катталып, Петринья шаарындагы бир нече имараттар кыйраган. Мунун кесепетинен 7 адам каза болгон. Бул тууралуу дүйнөлүк басылмалар жазып чыгышты.Силкинүү очогунан 3 километр аралыкта жайгашкан 20 миңдей калкы бар Петриния шаарында кырсыктан 12 жаштагы кыз көз жумганы кабарланган. Андан сырткары Глина шаарында 5 адам каза болгон. Ошондой эле дагы бир адамдын сөөгү Жажина шаарындагы чиркөөнүн урандысынан табылган. Петриня жана ага коңшулаш жайгашкан Сисак шаарларында жабыркагандар көп экенин жергиликтүү "Тез жардам" кызматынын башчысы билдирген. Анын айтымында, жабыркагандар түрдүү жаракаттарды алып, айрымдарына операция да жасалды", - деп жазылат маалыматта.
Петриния шаарынын мэри шаардагы абал тууралуу айтып жатканда, жердин кайрадан силкингени байкалган.
