Жаңы жылдык ырым-жырымдар. Уй жылында эмнелерди кылууга болбойт?

2021-жыл чыгыш гороскобу боюнча уй жылы. Элдик ишеним боюнча уй жылы майлуу-сүттүү, берекелүү, тынч өткөн жылдардан болот. Уй жылында эмнелерди жасоого болбойт? бул боюнча Жаңы жылдык ырым-жырымдарды тизмектеп көрдүк.

Жыл ээси кызыл түстү жаман көргөндүктөн Жаңы жылдык дасторкондун өңү кызыл, кызгылт сары болбошу керек. Ак жана күмүш түстөгү дасторкондорду тандаган жакшы.
Бул эреже кийимдерге да тиешелүү. Ырым-жырымдарга ишенгендер бир гана Жаңы жылда эмес, жыл ичинде кызыл түстүү кийимдерди көп кийбегенге аракет кылуу керек. Ошондой эле уй жөнөкөйлүктү жакшы көргөндүктөн жасалма таштардан жасалган жасалга буюмдарды тагынуу сунушталбайт
Дасторконго уй этинен жасалган тамактар коюлбашы керек. Болбосо жыл ээси таарынып калышы ыктымал деген жоромолдор бар.
2021-жылды тосуп жатканда бирөөгө таарынып, чыр чыгарып, мамилелерди териштирүү сунушталбайт. Болбосо 12 ай бою уруш-талаш, таарынуунун үстүндө жүрүп калышыңыз ыктымал.

Маалымат орус басма сөз булактарынан алынды.

Автор: Бактыгүл Султаналиева