Өзбекстанда бир үй-бүлөнүн 3 наристеси иске ууланып каза болду

Өзбекстандын Самарканд облусунун Каттакурган аймагында бир үй-бүлө иске ууланып, бойго жете элек 3 баласы каза болду. Бул тууралуу өзбекстандык басылмалар жазышууда.

Маалыматка ылайык, окуя 12-январь күнү болуп, Д.Жураев аттуу жаран үй-бүлөсү менен газга ууланып, 3 баласы көз жумуп, өзү жубайы менен ооруканага жеткирилген. Балдары 8, 3 жашта жана эң кенжеси 1 жаш 6 айлык болгон.

Айрым басылмалар жубайлардын абалы оор экендигин жазышууда.

Учурда аталган факты боюнча медициналык экспертиза дайындалып, тиешелүү органдар тарабынан текшерүү иштери жүрүп жаткандыгы айтылды.

Автор: Гүлзада Абдырахманова