Чүй облусунун ыйгарым укуктуу өкүлү Мияров ээлеген кызматынан бошотулду. Ордуна ким келди?

Чүй облусунун ыйгарым укуктуу өкүлү Мирбек Мияров ээлеген кызматынан бошотулду. Анын ордуна Эркин Тентишев келет. Маалыматты өкмөттүн ыйгарым укуктуу өкүлүнүн маалымат кызматынан тастыкташты.

Буйрукка кечээ, 9-мартта премьер-министр Улукбек Марипов кол койгон.

Бүгүн, 10-мартта өкмөттүн аппарат жетекчисинин биринчи орун басары Айбек Жунушалиев облустун жаңы башчысы Тентишевди командага тааныштырды.

Белгилей кетсек, Мияров Чүй облусунун башчылыгына 2020-жылдын октябрь айында бийлик алмашкандан кийин келген. 2020-жылдагы шайлоодо "Ордо" партиясынан Жогорку Кеңештин депутаттыгына талапкер болгон.

Эркин Тентишевдин өмүр баяны:

Билими: 1979-1986-жылдары Скрябина атындагы Кыргыз улуттук агрардык университети;

1996-2000-жылдары Кыргызстан эл аралык университети;

2000-2003-жылдары Кыргыз Республикасынын дипломатиялык академиясы.

Иш тажрыйбасы:

1986-1999-жылдары Кемин районуна караштуу Ильич атындагы мамлекеттик асыл-тукум заводунун жетекчиси.

Контролдук-селекциялык гурт ферманын башчысынын милдетин аткаруучу.

1990-1991-жылдары Башкы зоотехник, Кемин районунун Быстровского ПЕС айыл чарба ишканалары директору.

1993-жылдары "Аида" туристтик фирмасынын уюштуруучусу (Бишкек шаары).

1998-2001-жылдары - Пакистан Ислам Республикасындагы соода өкүлчүлүгүнүн жетекчиси, 2001-2004-жылдары Пакистан Ислам Республикасындагы дипломатиялык миссиясынын Башкы консулу жана жетекчиси.

2004-2005-жылдары - ТИМ алдындагы Иммиграциялык фондунун директору.

2004-жылдары Тентишев атындагы Азия медициналык институтунун негиздөөчүсү.