Сөөгү тикендин арасынан табылган Мактым Кожонованын өлүмү: "Суукка тоңуп каза болушу мүмкүн"

Баткенде дээрлик 2 айдан бери дайынсыз болуп жатып, кийин жансыз денеси табылган 6 балалуу Мактым Кожонованын өлүмүнө жасалган соттук-экспертизанын жыйынтыгы кечээ, 16-мартта чыккан.

"Соттук-медициналык экспертизанын жыйынтыгы ал киши колдуу болбой каза болгондугун аныктады", - деп Баткен облустук милициясынан маалымдашкан болчу.

Мындан улам SUPER.KG порталы 6 балалуу аялдын өлүмүнүн себеби эмнеде деген суроо менен кайрадан Баткен ОИИБине кайрылды.

"Алдын ала маалымат боюнча, ал суукка тоңуп каза болушу мүмкүн. Туугандары Кожонованын өлүмү боюнча маалыматтардын ачыкталышын каалашпай турганын айтып, бизге келишти", - дешти ОИИБден.

Окуянын чоо-жайы:

Баткен шаарынын Кызыл-Жол кварталынын тургуну Мактым Кожонова 2020-жылдын 23-ноябрынан бери дайынсыз болуп жаткан. Баткен облустук ички иштер башкармалыгы Мактым Кожонова ошол күнү түн ичинде кызы менен дааратканага чыгып, кызын үйгө кире бер деп өзү ошол бойдон дайынсыз болуп жатканын маалымдаган.

2020-жылдын 25-ноябрь күнү издөө иштерин жүргүзүү максатында Өзгөчө кырдаалдар министрлигинен куткаруучулар, ИИМдин кызматкерлери, туугандары жана жергиликтүү тургундардан 200дөй адам тартылган.

Ал эми өткөн жылдын 27-ноябрында Мактым Кожонова 11-класста окуган кызын эрте турмушка берип койгону боюнча тергөөгө чакырылганын Баткен ОИИБинин басма сөз кызматынан билдиришкен.

Кийин SUPER.KG порталына Мактым Кожонованын Перизат аттуу кызы апасынын сырдуу жоголушу боюнча айтып, ойлоно берип ою, ыйлай берип көз жашы калбай деле калганын, туугандары Бишкекте дагы издеп жатканын билдирген болчу.

25-январда Баткен ОИИБи жансыз денеге экспертиза дайындалганын маалымдашкан.

Садыр Жапаров Таласта митингге чыккандар менен жолукту

Автор: Айсалкын Качкынбекова

14:54 17-03-2021

Жазылуу

РУБРИКАДАГЫ СОҢКУ КАБАРЛАР

21:02 2025-05-29 | Коом жана турмуш

Борбордо 1-июнда өтө турган иш-чаралардын тизмеси 211 0

20:36 2025-05-29 | Коом жана турмуш

Эртеңден тарта Жаш Гвардия бульварынын бир бөлүгү жабылат 188 0

20:16 2025-05-29 | Түркүн дүйнө

Белгилүү актёр Жеки Чан карате боюнча кара курга ээ болду 491 1

19:46 2025-05-29 | Коом жана турмуш

Бишкекте базарлардагы санитардык күн эми айына эки жолу уюштурулат 403 0

19:27 2025-05-29 | Коом жана турмуш

Аймактарда жамгыр жаайт. 30-майга карата аба ырайы 469 0

19:04 2025-05-29 | Коом жана турмуш

Сырдуу көл, токойлор, шаркыратмалар... Кыргызстандын кереметтери бир топтомдо 567 0

Архив

Комментарийлер (9)

Chungyz

2021-03-17 12:40:02

эми тикендин ичине кантип кирип калды ошол тушунуксуз

+13

Belek1710

2021-03-17 13:24:42

Суракта жүрсө өзү, кызын сен кире бер, мен азыр келем деп туалетке кетсе, тикенектин арасына барып суука тоңуп жатып алмак беле, тооба. Сурактан шектенип жатам да?

+14

bond02

2021-03-17 13:45:32

Суукту сезбей тонуп калгыдай мас эмес болсо керек эле.

+11

Akyl78.1501

2021-03-17 15:20:34

Ушуга президент или ташиев лично өзү көзөмөлдөсө 3 күндө анык болот эмне себептен өлгөнү. Бул жерде бир нерсе бар суука тоңуп өлгүдөй -60 гр суук болгон жокго ошо айларда

PATRIOT-BALA.KG

2021-03-17 15:40:46

Суука тоңгудай жайлоодо бекен? Орган адамдары бир кылмышты ача албай калганда ушинтип түздөп койгонуңарды койсоңор

Jibakana

2021-03-17 16:03:07

Экспертиза не Мумкун деген жыйынтык чыгарып калды беле? ошондо экспертизага да ишениш кыйын болот го Мумкун деген жыйынтык болобу? туугандарды ачык маалымат таратууга баш тартса чё то подозрительно

nazarnew

2021-03-17 16:25:54

Муну черныйлар или бирөөлөр өлтүргөн, кантип эле тоңуп өлүп калсын, Аллах карап турат, зек бийликке келип криминал башын көтөрүп калды, канчалаган адамдар жок болуп өлтүрүп атат, то кузгун жеп кетет, бул адам колдуу болгон.

Kurbanalieva1991

2021-03-17 20:14:20

Эженин жаткан жери жайлуу болсун. Адамдын жаны өзүнө ширин, анан кантип суукта тикенеке жанын кыйсын. Жаш баланы алдагандай эле алдап коюптурго, эми ушуга ким ишенет...

Haanykeim

2021-03-18 01:26:14

Айланайындар элди эмне деп алдап атасыңар?

Комментарий калтыруу үчүн өз ысымыңыз менен кириңиз же каттоодон өтүңүз.