Кыргыз өлкөсүндө Европа кинолорунун фестивалы онлайн өтөт

Европа кинофестивалы 22-марттан 28-мартка чейин Кыргыз өлкөсүндө өтөт. Бул тууралуу Европа Биримдигинин Кыргыз Республикасындагы өкүлчүлүгүнөн билдиришти.

Билдирүүгө ылайык, кинофестивалда Европа Биримдигинин өлкөлөрү 11 толук жана 8 кыска метраждуу тасмаларды сунушташат.

"Документалдуу, анимациялык, көркөм тасмалар - фестивалдын программасында стилдердин жана жанрлардын ар түрдүүлүгү эске алынып, андан ар бир көрүүчү өзүнүн тасмасын таба алат.

Салт боюнча бардык фильмдер кино жаратуучу өлкөлөрдүн тилдеринде, орус же англис субтитрлери менен коштолуп көрсөтүлөт. Кино фестиваль биринчи жолу онлайн режиминде өтөт", - деп жазылат маалыматта.

Автор: Айжанар Рыспек кызы