"Ажылыкка да жөө барсам дейм". Жөө күлүк Оболбек Осмонбеков Бишкектен Ошко карай чуркайт

Беш жылдан бери чуркоо боюнча жергиликтүү жана эл аралык марафондорго катышып, алдыңкы орундарга жетишип келген Ат-Башы районунун Талды-Суу айылынын тургуну, жөө күлүк Оболбек Осмонбеков Бишкек шаарынан Ош шаарына чейин 25-марттан баштап жөө чуркап барат. Бул тууралуу ал порталыбызга билдирип, алыска чуркоо бала кезинен берки кыялы экенин айтты.

"Ат-Башы районунун Талды-Суу айылынын тургунумун. Ошко жөө чуркап баруумдун максаты - өзүмдүн бала чактагы кыялдарымдын бири. Эл-журт, жаштар, туугандарымды спортко тартуу. Былтыр Ат-Башыдан Бишкекке беш жарым күндө чуркап келдим. Быйыл Ошко чуркайын деп жатам. Келечекте башка мамлекеттерге чуркап баруу пландарым бар. Азыр тамак-ашты мүнөздөп жеп, даярдык көрүп жатам. Бул нерсе элге таанылайын, көрүнөйүн деген максатта жасалып жаткан жок.

Андан сырткары ажылыкка да жөө барсам дейм. Чуркап баштаганыма алты жыл болду. Буга чейин беш жолу 42 чакырымга чуркагам. Москва шаарында 50 чакырым чуркадым. Ушул кезге чейин бардыгында алдыңкы орундарга илинип, ийгиликтерге жетишип келдим. Ышкыбоз жөө күлүкмүн. Ошко чейин күнүнө 100 чакырымдан чуркап отуруп 10 күндө жетсемби деген план бар. Анан кандай болот жол көрсөтөт буюрса", - деп максаттары менен бөлүштү Оболбеков.

Автор: Айзада Кыдырмышева
Фото: Оболбек Осмонбеков

16:23 21-03-2021

Жазылуу

РУБРИКАДАГЫ СОҢКУ КАБАРЛАР

18:43 2026-09-28 | Түркүн дүйнө

Эксперт АКШ эмне үчүн Сауд Арабиясына аскердик жардам бере албай жатканын түшүндүрдү 52 0

17:45 2026-09-28 | Спорт

Холанд Улуттар лигасындагы голдорунун санын 22ге жеткирди 157 0

17:33 2026-09-28 | Кылмыштар, кырсыктар

Кара-Балтада 30 жаштагы келин сабалып каза болгону айтылууда 388 0

17:30 2026-09-28 | Коом жана турмуш

Ысык-Көлдүн куймаларына 800 миң чабак коё берилди 174 0

17:15 2026-09-28 | Түркүн дүйнө

Индиянын түндүгүндөгү суу ташкынынан каза болгондордун саны 62ге жетти (видео) 260 0

16:41 2026-09-28 | Спорт

Ясминанын Азиададагы жокко чыккан алтыны: Казакстандын УОКу билдирүү таратты 579 0

Архив

Комментарийлер (5)

Tyty1990

2021-03-21 17:58:07

Жакшы азамат

Asman779

2021-03-21 17:59:11

Ат Башыдан Бишкеке 6 саатта келсе жакшы чуркайт экен. Машина менен 4-5 саатта келесиң да

33SUUN

2021-03-22 03:30:17

Аркандан 2-3 машинени ээрчитип, чарчаганында ысык чайдан ичип дем алып чуркагандын пайдасы кайсыл..? Бир рюгзакты жонго илип озун жалгыз чурка Ошко.

Taalai-bek

2021-03-22 09:26:09

Ошко 600км болжол менен. Ошондо күнүнө 100км чуркаса 6 күндө жетет 10 күндө эмес. Байкем ойунда 1000км деп алган го Ошко чейин. Кантсе да азаматсыз. Ийгилик. Ден соолук каалайбыз. Жакшы барып келиңиз.Барып ысык самса, шашлык жесеңиз эле чарчоонуз унутулат.

nazira...

2021-03-22 19:56:59

Taalai-bek,чычкан манты, бөдөнө шорпо, көк чүчвара калып калды кошуп кой.

Комментарий калтыруу үчүн өз ысымыңыз менен кириңиз же каттоодон өтүңүз.